ياصغير السن قدرك طاحت أبراجه
الجرح خلى الصخر ينطق ونطقني
خلاص ماعاد تعني لي ولا حاجة
رح .. جعل ربي يوفقك ويوفقني
من بعد ماكنت نور العمر وسراجه
اليوم صرت الظلام اللي يطوقني
عطيتك أكثر من اللي كنت تحتاجه
أسرفت فـ ( الحب ) .. لين الحب وهقني
خلاص .. مالي ومال الحب وازعاجه
مالي ومال الدروب اللي تضايقني
تعبت اضم البحر واهدي له امواجه
تعبت أجامل وأشوف الوقت يسرقني
شكواي للي عليه الضيق وافراجه
اللي إذا شاء .. يرحمني ويرزقني
أما أنت يابو جبين عقد حجاجة
لاعاد تسأل : علامك ما أنت طايقني
الناس كل على دربه ومنهاجة
وأنا عن الناس مابه شي يفرقني
إلا أني دايم أحب الصدق وأواجه
ماخلوق والله على هالوضع خالقني
حتى رفيقي ضماد الجرح وعلاجه
على كثر ما أتمسكت فيه صدقني
لو ادري انه مرافقني على حاجة
لا أمسكه حاجته .. وأقول : فارقني
م/ن