من طيب قلب لاربعاء صدق السبت

في صدري المكبوت!..للحزن رَتَّبْـت

مجلس.. وانا! صار اشهَب الهَمّ مركاي



وللبُعد طبت.. ومن عنى البُعد! ماطبت

كَنِّـه يبـي عَزْلي,وطَردي,ومنـفـاي



ياهـو غيـابٍ مـع مداده!..تشَعَّبْـت

كِلِّي.. وتاهَت سِكَّـة القلـب بخطـاي



يامِبعِـدٍ بـي ليـن تِهْـت وتَغَـرَّبْـت

من غِبْت! مَعرِف وش كياني ومَعنـاي



أدميَت قلـب الجَـرْح بالبُعْد..والهَبْـت

إحساس جَمْر الشوق من نار الاِقفـاي



وش طَوَّل اليوميَن؟..ليَن اوشَك النَبْـت

على اليِباس..وقيَـظ فرقـاك شـوَّاي



الأربعا سافَـرْت واِعـن البَلَـد غِبـت

وتقول: يوم السَبْت من سَفْرِتِك جـاي!



واليوم! راح السَبْت,والسَبْت,والسَبْـت

سَبتيَن..والثالث! حداني علىْ اقصـاي



أبطـيـت بغيابك,وبالَغْت,واسهَـبْـت

وانا انتظر سَبْتٍ معـه غايـة اِمنـاي



ماتدري اِنِّـك فـي شِتاتـي تِسَبَّبْـت؟!

مِمّا حَجَب فكري عَن الحَلّ والـراي!



ياخي تراك اوعَدْت,واخطيَت,واذْنَبْـت

تعـال واِنثـر وَرْد عـذرَك بدنـيـاي



مانيِب قايل: وِش غَنايِمْك؟وِش جبـت؟

شوفَتْك!..تسوى مال حاكِـم برونـاي



هاذا وانا! مااَقول عَـن شوفْتِـك تِبْـت

ورَبّـي! مراقبني..ويَعـلَـم نـوايـاي



عَن مابقلبي مِن وَلَه! قلـت واعرَبْـت

متـى يفارقنـي مَـع الوَنَّه,الـنـاي؟!



ومن طيِب قلب الاربعا!..صَدَّق السَبْت

والسَبْت من كثره!..حَداني علىْ اقصاي

م/ن